Programa di skrinen di kanser di pechu
Prevenshon ta nos mishon
E meta di skrinen di kanser di pechu no ta pa prevení kanser di pechu, pero pa redusí e mortalidat di kanser di pechu pa medio di detekshon di kanser na pechu mas tempran ku ta posíbel, promé ku simtomanan aparesé.
Esaki ta hopi preokupante, komo kanser di pechu ta e kanser di mas frekuente serka di hende muhé na Kòrsou.
E skrinen tuma lugá serka hende muhé di 45 pa 75 aña. Ta invitá e hende muhénan akí kada dos aña pa un skrinen (un mamografía).
Foto: Kamber di skrinen (área di mamogram)
Skrinen stap pa stap
Stap 1.
Bo ta risibí un invitashon ku e orario i fecha pa
bo skrinen na Molenplein.
Stap 2.
Si e orario i fecha no ta kumbiní bo, òf si bo ke
hasi uzo di nos opshon di transporte grátis, tuma kontakto ku Fundashon Prevenshon
(grátis pa medio di 0800-1811 / WhatsApp +599 9 462 3380).
Stap 3.
Bo ta na ora pa bo sita i introdusí bo mes na bali. Akinan ta kontrolá bo dato personal manera adrès èts. i bo lo risibí e formulario di konsentimentu pa bo yena i firma.
!!! Por fabor no lubidá bo karchi bálido di SVB òf e karta di garantia di bo seguro i bo ID (
sédula)
.
Stap 4.
E tékniko di laboratorio ta yamabo i ta guiabo pa
e kamber di kambia paña. Akinan bo ta kita e paña nesesario i ora bo ta kla bo
ta drenta área di mamografía.
Stap 5.
E tékniko di laboratorio ta pidibo bo ID i ta
kontrolá huntu ku bo ki fecha bo a hasi bo último mamografía. E tékniko di
laboratorio ta spikabo kon ta hasi e mamografía i ta para kla pa kontestá tur bo
pregunta. Ora e mamografía ta kla, bo por drenta e kamber di kambia paña i bisti
bo paña bèk.
Stap 6.
Pa e resultado bo por tuma kontakto ku bo dòkter
di kas despues di 2 siman.
Tania Kross
Ta kana stap pa stap huntu ku bo dor di e
proseso di skrinen.
Klek riba e imágen pa start e video.
Hende muhé
45-75
A manda un karta di invitashon pa e grupo di enfoke kada dos aña ku orario i fecha pa e sita.
Hende muhé ku ta bou di tratamentu di un malesa relatá na pechu, ta ekskluí di e skrinen.
3D X-Rays
Un radiólogo ta saka dos 3D X-rays potrèt di kada un pechu. Dos radiólogo independiente ta huzga e potrètnan di 3D X-rays. Un di tres radiólogo por huzga e mamografíanan tambe ora no ta yega un konsenso.
WhatsApp nos!
Pa tur bo pregunta nos ta disponibel via WhatsApp!